КАДЗИТÆ

КАДЗИТÆ
Кадджытæм гæсгæ цæрынц фурды бын. Ис сын сæхи Сатана, ис сæм фæстæмæкъахджынтæ. Кадæг «Батрадз æмæ Тыхы фырт Мукара»-йы Мукара Батрадзæй куы фæтæрсы, уæд алидзы фурды бын Кадзитæм. Куы сæм ныххæццæ, уæд сын зæгъы: «Ахæм хæцæг æрбацæуы мæ фæдыл, æмæ ма йын кæд исты бакæнæм, уæд – хиндзинадæй, кæннод уымæн тыхæй ничи ницы ракæндзæн». Кадзитæ, дын, бавдæлдысты æмæ Батрадзы бацæуæны ахæм уæрм скъахтой, æмæ йæ бынæй йæ сæрмæ хъæр нæ хъуысти. Ноджы йыл уæле байтыдтой гауызтæ.
Æрбацæуы Батрадз, æмæ Кадзитæ афæнд кодтой: «Нæ иутæ йæ размæ ацæуæнт æмæ йыл сæхи бафæдзæхсæнт. Не 'ннæтæ та уый бæрц дур æмæ къуыдыр æрхæссæнт, æмæ сæ ацы уæрм куыд байдзаг кæнæм».
Сæ иутæ дур, къуыдыр æрцæттæ кодтой, се 'ннæтæ та Батрадзы размæ рацыдысты æмæ йын зæгъынц: «Мах ницыгæнæг стæм, дæ фæндагыл дын байтыдтам гауызтæ, æмæ нæм рацу хæстæг.
Араст и Батрадз æмæ фæцæуы ныфсджынæй, ницы 'нхъæлæй. Уæрммæ куы бахæццæ ис, уæд дзы ныххауди. Кадзитæ ныццин кодтой, багъæц, гъеныр дæ ссардтам дæ раны, зæгъгæ. Калын ыл байдыдтой дурæй, къуыдырæй цыдæриддæр æрцæттæ кодтой, уый. Батрадз йæ цирхъ йæ сæрыл сæвæрдта, йæ ком хæрдмæ, афтæмæй. Кадзитæ йыл цы ныццæвынц – дурæй, хъæдæй, уый цирхъыл æмбæлы æмæ лыг кæны, æмæ йæ лыггæгтæ бынмæ Батрадзы къæхты бынмæ згъæлынц. Афтæмæй уыдоныл хæрдмæ-хæрдмæ цæуы Батрадз. Йæ сæр куы фæзынди, уæд Кадзитыл фæхъæр кодта: «Агъæцут, фæхизын уæм, фыд мыггаг!» Йæ хъæрæй фæсуртæ сты Кадзитæ. Уæрмæй фæгæпп ласта Батрадз, мæсыджы фæмидæг ис: фæмард кодта фыццаг Мукарайы, стæй Кадзиты бынцагъд ныккодта.

Словарь по этнографии и мифологии осетин. 2014.

Поможем написать реферат

Полезное


Смотреть что такое "КАДЗИТÆ" в других словарях:

  • К — А Æ Б Г Д Дж Дз Е З И Й К Къ Л М Н …   Словарь по этнографии и мифологии осетин

  • КАДЗИТЫ САТАНА — «Кадзиты Сатана йæ лæппуйæн кæхц кодта æмæ рарвыста Кадзиты чызджытæн сæ рæсугъддæрты æмæ сын загъта: «Ацæут Нарты Сатанамæ кæхцгур; лæвæрттæ уын фæкæндзæн, æмæ иу фæстæмæ афоныл раздæхут, – зæгъы нын таурæгъ «Батрадз Сосланы куыд фервæзын кодта» …   Словарь по этнографии и мифологии осетин

  • МУКАРА — Тары фырттæй хистæр. Хъæздыг уыдысты Тары фырттæ Мукара мæ Бибыц: сæ зæххæн кæрон нæ уыди, сæ фос нымæц нæ зыдта, сæ къухы уыд бирæ адæм; дардыл хъуыстгонд уыд сæ кой. Нартыл фыд зымæг куы скодта, уæд сæ фос Тары фыртты бæстæм хизынмæ тæрын сфæнд …   Словарь по этнографии и мифологии осетин


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»